Доруобуйа

Харыстанар маасканы булгуччулаах кэтии эрэсиимэ биллэриллиэ суоҕа

Саха сиригэр коронавирус көрдөрүүтэ  тустаах таһымҥа турарын, сотору Дьокуускайга ыарыы арыый намырыахтааҕын туһунан СӨ Ил Дархана Айсен Николаев иһитиннэрдэ.

 

Дьокуускай куоракка ыарыы көрдөрүүтэ арыый намтыах курдук буоллаҕына, өрөспүүбүлүкэ улуустарыгар ыарыы тарҕаныыта саҥа саҕаланарын  СӨ Роспотребнадзор управлениета бигэргэтэр.

“Хомойуох иһин, ыарыһахтар үгүстэрэ ковид “Дельта” ыарахан  көрүҥүттэн өллүлэр… Билигин “Омикрону” үгүстэр ОРВИ ыарахан көрүҥүн курдук ыалдьан аһараллар. Өрөспүүбүлүкэҕэ маасканы   булгуччулаах  кэтии эрэсиимин киллэрэр наадата тирээбэт.  Онтон бэйэлэрэ мааска кэтэри наадалааҕынан ааҕар дьону өйүүбүт эрэ. Иккиһинэн, министиэристибэлэр,   биэдэмистибэлэр  бэйэлэрин структураларыгар бэйэлэрин көрүүлэринэн дьаһаллары ылыахтара. Холобур, поликлиникаларга, балыыһаларга маасканы кэтии эрэсиимэ  наадалаах”, — диэн хас биирдии тэрилтэ бэйэтин көрүүтүнэн тустаах быһаарыыны ылынарын туһунан Айсен Николаев  «Россия 24» ханаалыгар ГТРК «Саха» “Быһа кэпсэтии”  биэриигэ киирбит ыйытыыга хоруйдаата.

Надежда ЕГОРОВА, «Саха сирэ», edersaas.ru

0
0
Telegram Whatsapp