“Старость в радость” федеральнай аһымал пуонда бу күннэргэ өрөспүүбүлүкэ социальнай тэрилтэлэригэр бэйэни харыстанарга туттуллар маллардаах тыһыынчаттан тахса кэмпилиэги түҥэттэ. Кэмпилиэккэ мааскалар, бахилалар, бэрчээккилэр, харыстанар көстүүмнэр киирэллэр.
Аһымал пуонда Арассыыйаҕа 2011 сылтан үлэлиир. Сүрүннээн кырдьаҕастар, инбэлииттэр интэринээт-дьиэлэригэр көмөлөһөр сыаллаах-соруктаах. Ол курдук, 46 эрэгийиэҥҥэ баар интэринээт-дьиэлэргэ көмөлөспүтэ.
Коронавирус инфекцията тарҕаныытынан сибээстээн, өрөспүүбүлүкэҕэ социальнай хааччыйыы 46 тэрилтэтигэр муус устар 1 күнүттэн хааччахтааһын эрэсиимэ киллэриллибитэ. Билигин 5,2 тыһыынча социальнай үлэһит кырдьаҕастары, инбэлииттэри көрөр-истэр, көмөлөһөр. Кинилэртэн 863 киһи күнүстэри-түүннэри 28 күн устата сабыылаах тэрилтэҕэ киирэн дьуһуурустубалыыллар.
Ангелина Васильева, «Саха сирэ» хаһыат, edersaas.ru
Хаартыска: интэриниэттэн.
+1
+1
+1
+1
+1
+1
+1