Сайын ортото хампаанньа «Харысхалла уруһуйдаа» диэн оҕолорго күрэх биллэрбитэ. Сүрүн сыал-сорук быһыытынан кыттааччылар «АЛРОСА» бороҥ өҥнөөх бирилийээннэрин туһанан, киэргэл, харысхал оҥоруохтаах этилэр.
edersaas.ru
Күрэх кэмигэр Дьокуускайтан Санкт-Петербурга тиийэ 5-17 саастаах оҕолортон 250 үлэ киирдэ. Дьүүллүүр сүбэ Ставропольскай кыраай Невынномысскай куоратыттан Ульяна Филатова оҥоһугун кэрэхсээтэ. Ульяна 15 саастаах. Кини оҕо сааһыттан уруһуйдуурун сөбүлүүр, быйыл художественнай оскуоланы бүтэрдэ уонна бу хайысханан үрдүк үөрэххэ киириэн баҕарар.
Эдэр худуоһунньук оҥоһугун туһунан маннык кэпсээтэ: “Бу харысхалы мин үрдүк үөрэххэ киирээри? бэйэбэр оҥостубутум. Манна карп балыгы уруһуйдаа тым, кини араас ыарахаттары, өрүс таастарын бэрт сылбырҕатык туоруур, туруоруммут сыалын ситиһэр. Көмүс хатырыктааҕы «АЛРОСА» бороҥ бирилийээннэринэн киэргэттим, онон оҥоһугум өссө тупсан таҕыста».
Ульяна үлэтин көмпүүтэргэ таҥан оҥорбут. Кыайыылаах үрдүк аатын ылбыт кыыс сүрүн бирииһи iPаd ылыаҕа. Ону таһынан, Дьүүллүүр сүбэ алта саастаах Миша харысхалын бэлиэтии көрдө. Кини балыыһаҕа сытан эрэ билсиспит кыыһыгар араас өҥнөөх слон оҥорбут. «Балыыһаҕа эбээбин кытта сытан, Вика диэн кыыһы кытта билсибиппит. Кини дьоно суох этэ. Мин оҥорбут харысхалым киниэхэ ийэтин буларыгар, үөрэн сырдыы түһэригэр көмөлөһүө этэ», — диэбит кырачаан Миша. Оттон 13 саастаах Вадим Манджиев алдьархайга түбэспит дьоҥҥо харысхал оҥорон, кыһалҕаҕа ыктарбыт киһиэхэ бэлэхтиэн баҕарар.
Анастасия Дмитриева харысхалын дүҥүр курдук быһыы лаан оҥорбут. Бу дүҥүр баҕа санааны толорор уонна олоҕу чэпчэтэр эбит. «Мин бар дьон дьоллоох буолуохтарын баҕарабын. Ол иһин мин харысхалым дьоҥҥо үрдүк үөрүүнү, хорсун быһыыны аҕалыаҕа, элбэх саҥа доҕоттору бэлэхтиэҕэ. Дүҥүр кырдьык туһугар туруулаһар, киэҥ хайысхалаах. Харысхалбын бииргэ төрөөбүт бырааппар кини киһи киэнэ килбиэннээҕэ буоларын туһугар биэриэм этэ», — диэн санаатын үллэс тэр Настя. Оҕолор үлэлэрин сайтка https:// yadi.sk/d/vXWJyqtTTkK56A киирэн көрүөххэ, сыаналыахха сөп. Мишаҕа, Вадимҥа уонна Настяҕа «АЛРОСА» хампаанньа уруһуйдуурга анаан электроннай планшеттары бэлэхтиэҕэ.
«Саха сирэ», edersaas.ru