Үөһээ Бүлүү улууһун Харыйалаах сэлиэнньэтигэр икки мэндиэмэннээх успуорт саалата аһылынна.
Бу «Мин Сахам сирэ ХХI үйэҕэ» үтүө дьыала хамсааһын иитинэн, өрөспүүбүлүкэ, муниципальнай тэриллии уонна нэһилиэк бүддьүөтүн суотугар тутуллубут. Саҥа тутуу аһыллыытын үөрүүлээх түгэнигэр Ил Дархан Айсен Николаев сырытта. Кини өрөспүүбүлүкэҕэ биллэриллибит Чэбдигирии сыла нэһилиэккэ маннык үөрүүттэн саҕаламмытынан эҕэрдэлээтэ уонна нэһилиэктэрин тупсарарга, сайыннарарга олохтоохтор көхтөөхтүк кыттыбыттарыгар махтанна. Дохсун ытыс тыаһыгар доҕуһуоллатан спортивнай тэрили ылалларыгар сэртипикээт туттарда.
Улуус баһылыга Владимир Поскачин улуус тэриллибит бэлиэ күнүгэр успуорт саалата аһыллыбыта үөрүүнү өссө үрдэтэрин, суолталанарын эттэ. Бэртээхэй тутуу бигэ тирэх буолан, успуорка ситиһиилэр кэлэллэригэр, манна эрчиллэн күүс-уох ылан, сайдан, улуустарын ааттатар дьон үүнэн-сайдан тахсалларыгар эрэнэрин биллэрдэ.
Успуорт саалатын уопсай иэнэ 760 кв.м. Бэдэрээччит «Тутуу Саха» ХЭУо. Саҥа саала тутуутугар 40-тан тахсата субуотунньук тэриллибит, олохтоохтор көхтөөх кыттыыны ылбыттар. Иһитиннэрбиттэринэн, саҥа дьиэҕэ успуорт саалатын сэргэ, бэтэринээринэй учаастак, почта отделениета уонна АТС киирэллэр.
СӨ Ил Дархан уонна Бырабыыталыстыба пресс-сулууспата
Андрей Сорокин (СИА) хаартыскалара
+1
+1
+1
+1
+1
+1
+1