Хартыыналар дьоруойдарын сэргэстэһиннэрэ тутан көрөр өссө кэрэхсэбиллээх
Саха Өрөспүүбүлүкэтигэр тус быыстапкатын хаста да оҥорбут худуоһунньук Николай Рязанскай айар үлэтин элбэх киһи сэҥээрэр уонна кэтэһэр.
Ханнык баҕарар айар куттаах киһи биир сиргэ олорон хаалбакка, айар үлэтигэр саҥаттан саҥа ньымалары көрдүүр, дьон дууһатын таарыйар, сүрэҕин өрүкүтэр үлэлэри оҥорорго кыһаллар. Амма улууһун Сулҕаччытыгар олорор худуоһунньук Николай Рязанскай эмиэ үлэтин хайысхата киэҥ. Кини тыа сирин олоҕун, саха киһитин араас мэтириэтин оҥороро -– айар үлэтин биир ураты көстүүтэ.
edersaas.ru
Николай Николаевич кэнники кэмҥэ дьон сакааһынан хартыыналары оҥороро эмиэ ураты долгутуулаах уонна эппиэтинэстээх. Этэргэ дылы, кини сорох хартыыналарын дьоруойдарын аймах билэ дьоно «тилиннэрэллэр» эбэтэр уруһуйдаммыт дьоруойдар оҕо саастарыттан эргиллэн кэлбит буолаллар. Оттон уруһуйданан, номнуо дьоҥҥо-сэргэҕэ биһирэппит
Маннык хартыыналары оҥорор төһө үлэлээҕин, төһө умсугутуулааҕын Николай Рязанскайтан ыйыталастым.
— Хартыына оҥорор буору хаһар буолбатах, ардыгар табыллар, ардыгар табыллымыан сөп. Онон, биир хартыынаны бачча өр оҥоробун диэн чопчу этэр кыаҕым суох. Дьон бэйэ бэйэлэриттэн истиһэн сакаастыыллар. Ол сакаасчыттарым баҕалара араас буолар, ол гынан баран үксүлэрэ сахалыы таҥастаах, мааны буолуохтарын баҕараллар. Оҕолор төрөппүттэригэр эбэтэр үбүлүөйдээх дьоннорун үөрдээри араас тиэмэҕэ хартыыналары оҥортороллор. Ыраата барбакка эттэххэ, манна, Аммабар икки ыҥырыыга салайбыт нэһилиэк баһылыктара үлэлээн бүттэхтэринэ, биир идэлээхтэрэ мэтириэттэрин оҥорторон бэлэхтииллэр», -– диэн худуоһунньук Николай Рязанскай хартыына үчүгэй бэлэх, үйэлэргэ хаалар өйдөбүнньүк буоларын туһунан этэр.
Надежда ЕГОРОВА, «Саха сирэ», edersaas.ru