Мэҥэ Хаҥалас полициятын бэрэбиэркэтин кэмигэр 57 саастаах киһи 45 саастаах дьахтарга өлөрөрүнэн суоһурҕаммыта биллибит.
Барыллаан быһаарыынан, бу дьахтар дьүөгэтигэр ыалдьыттыы олордоҕуна, бу саастаах киһи кинилэргэ киирэн кэлбит. Итирик эбит уонна дьахталлартан харчы көрдөөбүт. Дьахталлар аккаастаабыттар.
Онуоха бу киһийдэх сиэбиттэн быһаҕы таһааран, биир дьахтар моойугар тирээн туран, өлөрөрүнэн суоһурҕаммыт. Дьахталлар элэ-была тылларын этэн, көрдөһөн, ыҥырыллыбатах ыалдьыты дьиэттэн нэһиилэ таһаарбыттар. Ол кэнниттэн эмсэҕэлээбит дьахтар полицияҕа тыллаабыт.
Бу чахчынан РФ Холуобунай кодексатын 119-с ыст. 1 чааһынан, ол эбэтэр, өлөрөрүнэн биитэр ыараханнык эчэтиинэн суоһурҕаныы бэлиэтэ баарынан, дьыала тэриллибит.
Бу туһунан СӨ ИДьМ-тын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
Хаартыска: интэриниэттэн