Харантыыҥҥа барбыт уопсай устудьуоннарыгар аһы-үөлү, эми-тому тиэрдиэхтэрэ

Ааптар: 
Бөлөххө киир:

ХИФУ биир уопсайыгар коронавируһунан харантыын биллэриллибитэ. 

Бу боппуруоһунан ХИФУ ректора Анатолий Николаев оробуочай бөлөҕү кытары онлайн-көрсүһүүнү тэрийбитин туһунан университет саайтыгар уонна sakha.gov.ru суруллар. Санатан эттэххэ, 9/2 №-дээх уопсайга олорор биир киһиэхэ COVID-19 баара биллибитин туһунан бэҕэһээ биһиги саайтпытыгар суруллан турар. Коронавирус дьаҥын суһаллык бохсор туһуттан, бу уопсайга олорооччулары аһынан-үөлүнэн, эминэн-томунан хааччыйарга  быһаарыы ылыллыбыт. Санациялар уонна дезинфекциялар ыытыллыылара өссө күүһүрбүт. Оттон устудьуоннар хантаактарын тохтотуохтаахтарын уонна отсектарыттан тахсыа суохтаахтарын туһунан өйдөтөр-сүбэлиир үлэлэр ыытыллыбыттар.

Бэҕэһээ Роспотребнадзорга ыытыллыбыт  68 анаалыс түмүгэ бу киэһээ биллиэхтээх. Хаалбыттартан бүгүн, сарсын анаалыстар ылыллан, хастыы да партиянан анал лабораторияҕа ыытыллыахтаахтар идэн суруллар. Маны сэргэ, университет мэдиссиинэҕэ институтун килииникэтин дириэктэрэ  Владимир Аммосов тымныйбыт чинчилээх устудьуоннарга күүстээх мэдиссиинискэй кэтээн көрүү ыытылларын, хонтуруолга туталларын ыйбыт. Эми-тому ХИФУ медклиниката, тус бэйэ дьаҥтан харыстанарыгар туттар сириэстибэтин университет профкома хааччыйара быһаарыллыбыт. Маны сэргэ бу уопсайга Арассыыйа куораттарыттан уонна тас дойдуттан үөрэнэр оҕолор баалларынан,  ас-үөл уратыта эмиэ учуоттаныаҕа диэбиттэр.

+1
0
+1
0
+1
0
+1
0
+1
0
+1
0
+1
0