Харантыын кэмигэр дьиэлэригэр олорор уһуйаан оҕолоругар төлөбүр ааҕыллыбат

Дьаҥынан сибээстээн, Дьокуускай куорат оскуолаларын 1-12 кылаас үөрэнээччилэригэр олунньу 6-16 күннэригэр үөрэх, эбии дьарык, оскуола тэрээһиннэрэ тохтотуллалларын туһунан Дьокуускай куорат уокуругун дьаһалтатын үөрэҕин  управлениетын бирикээһэ тахсыбыта.

edersaas.ru

Маныаха сүрүн төрүөтүнэн куоракка санитарнай-эпидиомологическай усулуобуйа буолар. Ол курдук, эпидемическэй турук 50 бырыһыан үрдээбит диэн этиллибитэ.

Оттон уһуйаан оҕолоро хайыылларый диэн сиэрдээх ыйытыы үөскүүр. Тустаах бирикээскэ ыйылларынан, ыарыы салгыы тарҕамматын туһугар оҕолор, үлэһиттэр туруктарын күннэтэ көрүллүөхтээх. Бөлөххө эбэтэр тэрилтэҕэ 20 бырыһыантан элбэх оҕо ыалдьыбыт түгэнигэр, 7 күн устата быстах тохтоторго этиллэр. Онтон куорат үрдүнэн харантыын биллэриллибит кэмигэр (олунньу 6-16 күннэригэр) оҕо уһуйааҥҥа кэлбэтэҕинэ төрөппүттэртэн (сокуоннай бэрэстэбиитэллэртэн) төлөбүрүн ылбакка диэн ыйыллар.

Людмила ПОПОВА, edersaas.ru

Анатолий ШЕСТАКОВ хаартыскаҕа түһэриитэ.