Өрөспүүбүлүкэҕэ ОРВИ уонна гириип ыарыыта намыраабат. Онон, Дьокуускай куорат уонна куорат таһынааҕы оскуолаларга харантыын олунньу 8 күнүгэр диэри уһатыллан, 1-12 кылаас оҕолоро үөрэммэттэр. Араас куруһуоктар, секциялар, эбии дьарыктар эмиэ тохтотулуннулар.
edersaas
Үөрэх куораттааҕы управлениетыгар иһитиннэрбиттэринэн, сааскы каникул тохтотуллуо суоҕа. Харантыын кэмигэр үөрэх процеһа салҕанар, предметтэри биэрэр учууталлар “Сетевой город” нөҥүө үлэлииллэр, дьиэтээҕи үлэлэри биэрэллэр.
Оскуолаларга харантыын биллэриллэн уонна араас дьаһаллар хааччахтананнар, ыалдьар оҕо ахсаана, улахан дьону кытары тэҥнээтэххэ, элбээбэтэ.
Манна сыһыаран эттэххэ, оскуола иннинээҕи саастаах оҕолорго харантыын биллэриллибэт.
Надежда ЕГОРОВА, “Саха сирэ”, edersaas
+1
+1
+1
+1
+1
+1
+1