Амма улууһун биир саамай кэрэ көстүүлээх сиригэр саҥа хотон үлэҕэ киирдэ.
Николай Кайдалов бааһынай хаһаайыстыбата былырыын «Агротуризм» хайысхаҕа граны сүүйэн, быйыл 70 төбө ынах-сүөһү турар сирин туттарда. Киһи үөрэрэ диэн, манна саха төрүт ынаҕа төрүөхтээх-ууһуохтаах.
Пиэрмэ Харама хайатын тэллэҕэр тутулунна. Бырайыак идиэйэтинэн улуус туристическэй киинигэр – Харама хайатыгар сынньана кэлбит туристар пиэрмэҕэ сылдьан саха төрүт ынҕын уу харахтарынан көрүөхтээхтэр, көрүүтүн-истиитин туһунан билиэхтээхтэр. Өссө аһын-үөлүн амсайыахтарын сөп. Комплекска күн уотун энергиятынан үлэлиир батареяны туруордулар.
Хотону үөрүүлээхтик арыйыыга Амма улууһун баһылыгын тыа хаһаайыстыбатын боппуруостарыгар солбуйар Ион Кононов сырытта, Кайдаловтар дьиэ кэргэни эҕэрдэлээтэ.