Харах балыыһатын кылаабынай бырааһа лиссиэйгэ аһаҕас уруок ыытта

Ааптар: 
Бөлөххө киир:

Дьокуускайдааҕы офтальмологическай клиническэй балыыһа кылаабынай бырааһа, ХИФУ Мединститутун “Уопсастыба доруобуйата уонна доруобуйа харыстабыла, уопсай гигиена уонна биоэтика” кафедратын доцена, мэдиссиинэ наукатын хандьыдаата Иван Луцкан Билии күнүн В.П.Ларионов аатынан Физико-техническай лицей өрөгөйдөөх линейкатыгар кыттыыттан саҕалаата.

Иван Луцкан үөрэнээччилэри уонна учууталлары ис сүрэҕиттэн эҕэрдэлээтэ, оскуола оҕолорун билии  суолугар ситиһиилэри баҕаран тыл эттэ.  Итиэннэ лицей үөрэнээччилэрин харахтарын туругун чинчийэргэ офтальмологтар биригээдэлэрин ыытарга этии киллэрдэ.

– Билигин аныгы технология  үйэтигэр, күнү быһа  үөрэнээччилэр компьютер иннигэр олорон, харахтара  күүстээх ноҕоруускалары көрсөр. Онон чинчийэн көрүү  тэрээһинин Ил Дархан биллэрбит Дорубуйа сылын чэрчитинэн ыытыахпыт”,- диэтэ Луцкан.

Лицейи бүтэрээри сылдьар оҕолор Иван Луцкан ыыппыт  аһаҕас уруогун бэрт сэргэхтик ылыннылар. Лицеистар элбэх ыйытыылары биэрдилэр, ол иһигэр бэрт сыттыв ыйытыылар эмиэ бааллара. Ол курдук, оҕолор Госдуумаҕа быыбар, Афганистаҥҥа буолбут быһылааннар сабыдыаллара, ордук сидьиҥ холуобунай буруй иһин үрдүк миэрэни киллэрии, Арассыыйа эрэгийиэннэрин сайыннарыы, пандемия  кэнниттэн быһыы-майгы уларыйыыта уо.д.а. ыйытыылары биэрдилэр.

Иван Луцкан оҕолор ыйытыыларыгар барыларыгар хоруйдаан баран, В.П.Ларионов аатынан лицей оҕолорун гражданскай сайдыыларын таһымын бэрт үрдүктүк сыаналаан эттэ.

Анатолий Петров

+1
0
+1
0
+1
0
+1
0
+1
0
+1
0
+1
0