Харах балыыһатын медперсонала коронавирустан үтүөрдэ диэн бүгүн СӨ бырабыыталыстыбатын вице-премьерэ Ольга Балабкина иһитиннэрдэ.
«Өрөспүүбүлүкэтээҕи хараҕы эмтиир балыыһа медперсонала коронавирус дьаҥыттан үтүөрдэ диэххэ сөп. Миэдиктэр кэллиэгэлэригэр — эмтээбит быраастарыгар махтаналлар. Кинилэр сотору үлэлэригэр тахсыахтара», — диэн Ольга Валерьевна суруналыыстарга брифинг кэмигэр иһитиннэрдэ.
Вице-премьер өрөспүүбүлүкэҕэ эпидемиологическай балаһыанньа билигин да уустугун, ааспыт сууккаҕа 88 ккиһи дьаҥҥа эбии сутуллубутун туһунан санатта. Билиҥҥи туругунан Саха сиригэр дьаҥ тарҕаныаҕыттан 1445 киһи ыарыйда.
Онон, Ольга Валерьевна дьаҥтан харыстанар туһуттан санитарнай-эпидемиологическай нуормалары тутуһарга бэлиэтээн эттэ.
edersaas.ru
+1
+1
+1
+1
+1
+1
+1