Уопсастыба

«Хара хаары» куопуйалаабыттар

Ааптар быраабын кэһэн туран, бу дьыл олунньу ыйыгар «Хара хаар» диэн киинэни куопуйалаан ютуб ханаал нөҥүө киинэ аатын уларытан тарҕаппыттар. Мэҥэ Хаҥалас улууһун борокоротуурата холуобунай дьыаланы суукка ыыппыт. Ааптар быраабын кэһии хоромньута 1 мөлүйүөн 400 солкуобайга тэҥнэспит. Силиэстийэ сабаҕалыырынан, уорбаланааччы киинэни төлөпүөнүгэр устан ылбыт. 15 күн устата киинэни 4,7 тыһыынча төгүл көрбүттэр. Арассыыйа Федерациятын холуобунай кодексатын 146 ыст. 3 чааһын «в» пуунунан ааптар быраабын кэһии уонна улахан сууммалаах хоромньу иһин уорбаланааччы буруйданар.

Ульяна Захарова.

1
0