Степан Бурнашев режиссердаах «Хара хаар» диэн саҥа киинэҕэ тизер Интэриниэт ситимигэр таҕыста. Бу киинэни кэлэр сыл тохсунньу 29 күнүттэн Саха сирин бары киинэ тыйаатырдарыгар көрүөхпүт.
Киинэ режиссера Степан Бурнашев санаатын үллэстэр:
— «Хара хаар» киинэни чопчу биир түбэлтэҕэ эрэ олоҕуран уһулбатыбыт. Үксүн айан, суол туһунан буолуо. Ону кытта сибээс кыһалҕаларын эмиэ таарыйдыбыт. Жанра — триллер, драма. Сценарийын бэйэм суруйбутум. Сүрүн оруолу Үүнэр көлүөнэ тыйаатырын артыыһа, идэтийбит артыыс Федот Львов толорор.
Киинэни ааспыт сыл олунньу, кулун тутар ыйдарыгар Дьокуускайга, Кэбээйигэ, Мэҥэ Хаҥаласка, Уус Алдан сиринэн Өлүөнэ өрүскэ устубуппут. Маныаха үксүн түүн үлэлээбиппит.
Хара хаар диэн өйдөбүлү киинэни көрдөххүтүнэ өйдүүргүт дуу? Уопсайынан диэн эттэххэ, ыарахан соҕус киинэ диэн эрдэттэн көрөөччүлэрбин сэрэтэбин. Итэҕэтиилээх уонна тыйыс киинэ буолла.
Бу киинэ тизерэ таҕыста, ахсынньыга трейлерэ тахсыаҕа:
Айтана Аммосова, edersaas.ru
Алексей Васильев хаартыскалара.