Интэриэһинэй Уопсастыба

Хараҥаччы уйатыгар саһыл хороон оҥостубут (ВИДЕО)

Бүгүн хараҥаччы уйатыгар саһыл хороонноммутун туһунан видео бассаабынан тарҕанна. Тугун-ханныгын билээри видео ааптара кыыс аҕатын Иннокентий Балановы кытта төлөпүөнүнэн сибээстэһэ сырыттыбыт.

edersaas.ru

В.Н.Лебедев аатынан Кириэс Халдьаайытааҕы оҕо спортивнай оскуолатын дириэктэрэ Иннокентий Баланов: “Оттуур сирим төһө үүммүтүн көрө баран иһэн, өрүс кытыытыгар  түөрт саһыл оҕото сүүрэ сылдьарыгар түбэстибит. Быһа холуйан үс ыйдаахтар. Былырыын оттуу сылдьан биир хараҥа өҥнөөх, улахан саһылы көрбүппүт, ол оҕолоро буолуон сөп диэн сабаҕалыыбыт. Тыраахтар таһыгар тиийэ кэлэрэ, киһиэхэ улаханнык кыһаммата. Бу иннинэ итинник көстүбэт этилэр. Ити дьөлөҕөс барыта хараҥаччы уйата. Эрдэ сымыыттан баран, бэс ыйыгар номнуо көтөн бараллар”, — диэн кылгастык кэпсиир.

Итиэннэ Иннокентий Лазаревич Томпо улууһугар саһыл элбэх буолан куобах үөскээбэтин уонна дьон тута бултуурун, онон ити видео чопчу ханан уһуллубутун ыйбатаҕын этэр.

 

Людмила ПОПОВА, “Саха сирэ” хаһыат, edersaas.ru

2
0
Telegram @edersaas20