Ил Дархан Айсен Николаев быһа эпиирин кэмигэр хапытаалынай өрөмүөн усунуоһа тоҕо үрдээтэ диэн ыйыттылар.
Онуоха Ил Дархан:
— Уһук Илиҥҥэ, уопсайынан, дойду үрдүнэн хапытаалынай өрөмүөн биһиги эрэгийиэммитигэр саамай намыһах тарыыптаах, — диэтэ.
Фрукта, оҕуруот аһын сыаната наһаа ыараата. Тоҕо?
— Бородуукта, ас-үөл сыаната ыарааһынын муниципальнай уорганнар хонтуруоллууллар. Өскөтүн, дьаһалталар болҕомтоҕо уурбатахтарына борокуратуураҕа үҥсэр бырааптааххыт.
Ленскэйгэ оскуола тутуута бытаарда. Хаачыстыбата суох тутуу матырыйаалларынан туталлар, оҕолор оскуолата суох эрэйдэннилэр.
— Бу балаһыанньаны быһаарыахха наада, Үөрэх уонна Тутуу министиэристибэлэрэ болҕомтолорун ууруохтара. Буруйдаахтары буларга.
Хаарбах дьиэҕэ олорор дьоҥҥо харчы төлөнүө дуо?
— Хаарбах дьиэни атыыласпыт дьоҥҥо дьиэ атыылаһыллыбыт сыаната төннөрүллэр. Өскөтүн, хаһаайын ипотекаҕа сатаан киирсэр кыаҕа суох уонна бу кини олорор биир соҕотох бас билэр эрэ дьиэтэ буоллаҕына.
Ульяна Захарова, edersaas.ru