Хапытаалынай өрөмүөн төлөбүрэ 2019 сылтан эмиэ үрдээтэ. Бу туһунан «Элбэх кыбартыыралаах дьиэлэри өрөмүөннээһин фондатын» салайааччытын солбуйааччы Татьяна Шигапова edersaas.ru саайтка иһитиннэрдэ.
Усунуос саҥа кээмэйэ СӨ Олох-дьаһах, хомунаалынай хаһаайыстыба уонна энэргиэтикэ министиэристибин бирикээһинэн олохтоммута. Онон, тохсунньуттан саҕалаан мас дьиэҕэ олорооччулар 1 кв миэтэрэ иһин 4 солкуобай 88 харчыны, оттон лиибэ суох таас дьиэҕэ олорооччулар 6 солкуобай 88 харчыны, лииптээх таас дьиэҕэ олорооччулар 9 солкуобай 13 харчыны төлүөхтэрэ.
Оттон быйыл ханнык дьиэлэргэ хапытаалынай өрөмүөн ыытыллыай? Бу туһунан http://fondkr.ru/ саайтка киирэн көрүөххүтүн сөп.
Анивера АКИМОВА, edersaas.ru
+1
+1
+1
+1
+1
+1
+1