Хапсаҕай түһүлгэтин чулуу бөҕөһө Николай Николаев кыайыытын чугас дьонугар анаата

Хаандыгаҕа түмүктэммит хапсаҕайга өрөспүүбүлүкэ XXII чөмпүйэнээтигэр Николай Николаев муҥутуур кыайыылааҕы быһаарар түмүк хапсыһыыга Нам боотурун Игорь Софронеевы охторон 150 000 солкуобайынан биһирэннэ.

Бүлүү бөҕөһө кыайыыга суолун ааттаах-суоллаах утарылаһааччыларын — Увар Тимофеевы, Иннокентий Иннокентьевы – бүдүрүтэлээн соломмута. Бу иннинэ 90 үөһэ киилэлээхтэргэ Николай Николаев финал аҥарыгар Увар Тимофеевка очукуонан баһыйтаран, үһүс бириистээх миэстэни ылбыта.

Саха сирин бүгүҥҥү күҥҥэ чулуу хапсаҕайдьыта бэйэтин кыайыытын чугас дьонугар – кэргэнигэр, кырачаан кыыһыгар, ийэлээх аҕатыгар – анаата.

Роман Попов, “Саха сирэ” хаһыат, edersaas.ru