Хапсаҕай өрөспүүбүлүкэтээҕи федерацията номинацияларынан ааһан эрэр сыл бастыҥнарын билиһиннэрдэ.
Ол курдук, “Бастыҥ спортсменынан” Увар Тимофеев (Үөһээ Бүлүү), “Бастыҥ тириэньэринэн” Дьокуускай куорат сүүмэрдэммит хамаандатын сүрүн тириэньэрэ Станислав Афанасьев, “Бастыҥ судьуйанан” Андрей Яковлев (Дьокуускай), “Бастыҥ тэрийээччинэн” Томпо улууһун баһылыга Яков Степанов ааттаннылар.
“Сыл мецената” ааты “Киэргэ” фирма генеральнай дириэктэрэ Александр Павлов сүктэ. “Бастыҥ суруналыыһынан” Александр Васильев-Көрдүгэн билиниллиннэ.
Бастыҥ улуустааҕы федерациянан Тааттатааҕы федерация (салайааччы Прокопий Рахлеев) ааттанна. “Сыл спонсора” номинация кыайыылааҕынан Дмитрий Петров (Дьокуускай) буолла.
“Спорт национальнай көрүҥнэрин сайыннарыы иһин” номинация Иван Ноговицыҥҥа (Дьааҥы) туттарылынна. “Оҕо спордун бастыҥ тэрийээччитэ” аат Михаил Ивановка (Кэбээйи, Мукучу) иҥэрилиннэ.
Роман Попов, edersaas.ru