Хапсаҕайга өрөспүүбүлүкэ чөмпүйэнээтэ кулун тутар 10-11 күннэригэр Томпоҕо буолар. Бу туһунан Sportyakutia.ru сайтка хапсаҕайга өрөспүүбүлүкэтээҕи федерация толорооччу дириэктэрэ Алексей Мостахов иһитиннэрдэ.
edersaas.ru
Бу иннинэ хапсаҕай улахан түһүлгэтэ куруутун Дьокуускайга буолара. Арай 2015 сыллаахха Үөһээ Бүлүү Хоротугар ыытылла сылдьыбыта.
Ыытыллар күнэ Чурапчыга буолар Николай Тарскай кэриэһигэр көҥүл тустууга өрөспүүбүлүкэ чөмпүйэнээтин кэмин кытта сибээстээх. Биллэрин курдук, Арассыыйа бэрэсидьиэнин быыбарынан, бу күрэхтэһии кулун тутар 24-25 күннэригэр көһөрүллүбүтэ.
Федерация быйылгы Кубогын кыттыылаахтарын быһаарар түһүлгэҕэ эр дьон — алта, бэтэрээннэр биэс ыйааһыҥҥа күөн көрсүөхтэрэ. Онон толору хамаандаттан 16-лыы бөҕөс тустуоҕа.
Роман Попов, “Саха сирэ” хаһыат, edersaas.ru