Юдзуру Ханю Олимпиадаҕа кыайыытын чиэһигэр параакка 100 тыһыынча киһи кытынна
Япония фигуриһа Юдзуру Ханю Пхенчхаҥҥа ыытыллыбыт кыһыҥҥы Олимпийскай оонньууларга кыайыытын чиэһигэр тэриллибит параакка 100 000 –тан тахса киһи сырытта.
Kyodo News иһитиннэрбитинэн, Олимпийскай оонньуулар икки төгүллээх чөмпүйүөннэрэ бу күннэргэ төрөөбүт Сендайыгар ыалдьыттаан, кини чиэһигэр тэриллибит параакка сырытта, куорат киин уулуссатын толорбут дьон уруйдарын-айхалларын ортотугар автобуһунан 1 100 миэтэрэни айаннаата.
“Төрөөбүт сирбэр кыһыл көмүс мэтээллээх эргиллибиппиттэн, куоратым олохтоохторугар: “Мин дьиэбэр кэллим” диирбиттэн бэйэбин олус дьоллооҕунан ааҕынабын”, — диэтэ Ханю параат иннинэ.
Роман Попов, edersaas.ru
+1
+1
+1
+1
+1
+1
+1