Ханнык эрэгийиэннэргэ бырааһы сууккаттан ордук кэтэһэллэрий?

Ааптар: 
Бөлөххө киир:

Коронавирус дьаҥар хаптарбыт дьон ханнык эрэгийиэннэргэ бырааһы сууккаттан ордук кэтэһэллэрий?  

Аҕыйах хонуктааҕыта РФ Бырабыыталыстыбатын Бэрэссэдээтэлин солбуйааччы Татьяна Голикова брифинг оҥорбута. Коронавирус балаһыанньатын тула барбыт кэпсэтиигэ кини дойдуга коронавирус инфекцията тарҕаныыта арыый аччаабытын эттэ. Ол курдук, дьаҥ тарҕаныытын бытаарыыта 50-тан 61 эрэгийиэҥҥэ диэри бэлиэтэммит.

Ол эрээри сэтинньи ыйга 30-тан 49 саастаах уонна 50-тан 64 саастаах дьон хаптарыылара улааппыт. Онон хаарчахтыыр миэрэлэри тутуһар наадатын ыйда.

Сааскы кэми кытта тэҥнээтэххэ, дойдуга коронавирус инфекциятын булууга тестээһин кээмэйэ улааппыт. Ол курдук, ахсынньы 4 күнүнээҕи туругунан, 77 мөл тест дойдуга оҥоһуллубут.

Куойка пуондатыгар тохтууругар Санкт Петербурга, Смоленскайга, Орловскай уобаласка уонна Севастополь куоракка куойка 90 быр. эмтэнэ сыталларын эттэ.

Кини куойка пуондатыгар ыгым балаһыанньа үөскүүрүн аччатар туһугар федеральнай бүддьүөттэн тастан (амбулаторнайдык) эмтэнээччилэргэ эми ылыыга үп-харчы бэриллибитин санатта. Москва куорат бу саас итинник эминэн хааччыйбытын холобурдаата.

Эрэгийиэннэр ыарыһахтары аптекалар уонна мэдиссиинэ тэрилтэлэригэр барбаттарын курдук эминэн хааччыллыыны тэрийиэхтээхтэрин эттэ. Эми ковидтаах дьону эмтиир биригээдэлэр дьиэҕэ тиэрдиэхтээхтэрин, баҕар, бары харыстанар миэрэлэри тутуһуннаран волонтердар тиэрдиэхтэрин сөбүн санатта.  Эми маннык тиэрдиигэ дойду Бэрэсидьиэнин сорудаҕынан бары эрэгийиэннэргэ уопсайа 10 млрд солк. көрүллүбүт.

Компьютерынан томографияҕа сылдьыбытын уонна исписэлиис сүбэлээбитин кэннэ ковиды утары эми амбулаторнайдык эмтэнии кииннэригэр түҥэтэргэ сүбэлээтэ.

Татьяна Голикова колл-кииннэргэ эрийэн тиийиини эмиэ аҕынна. Белгород уобалаһыгар, Санкт Петербурга уонна Свердловскай уобаласка көрдөрүү мөлтөх. Бырааһы сууккаттан ордук кэтэһэр эрэгийиэннэри ааттаата. “Хара испииһэккэ” киирдилэр: Кострома уобалаһа, Краснодар уонна Пермь кыраайа, Хакасия Өрөспүүбүлүкэтэ.

Бэлэмнээтэ Женни Стрюкова, edersaas.ru

Хаартыска: интэриниэттэн

+1
0
+1
0
+1
0
+1
0
+1
0
+1
0
+1
0