Олох араас түгэннэригэр төлөбүрдэри, чэпчэтиилэри ыларга аналлаах туоһу суруктар, ыспыраапкалар ирдэнэллэр. Ити ыспыраапкалары e-yakutia.ru порталга олус чэпчэкитик уонна түргэнник оҥотторуохха сөп. Ол курдук:
1. Дьиэ кэргэн (соҕотох киһини) кыра дохуоттааҕынан билинии туһунан ыспыраапка
Сорох өҥөлөрү ыларга кыра дохуоттаах ыалы билинии туһунан ыспыраапка ирдэниэн сөп. Кыра дохуоттаах ыал биир кэмнээх уонна ыйдааҕы харчынан төлөбүрү ылыан сөп, табаарынан көмө уонна да атын чэпчэтиилэри, холобур, ОДьКХ төлөбүрүгэр, оҕо уһуйааныгар эбэтэр оскуолаҕа аһатыыга чэпчэтии оҥотторуохтарын сөп.
Ыспыраапканы бу сыылканан киирэн оҥотторуохха сөп: https://e-yakutia.ru/#/service/1400000000164030434/info
2. Дьиэ кэргэн састаабын туһунан ыспыраапка
Дьиэ кэргэн састаабын туһунан ыспыраапка (3 №-дээх формата) чэпчэтиилэри, төлөбүрдэри оҥотторорго, алимент ирдэбилин толорорго ирдэнэр. Ону олохтоох дьаһалта, УК, МФЦ нөҥүө ылыахха сөп. Оттон Дьокуускай куорат олохтоохторо электроннай өҥөнү ылыахтарын сөп. Бэрт түргэнник, аҕыйах мүнүүтэ иһигэр оҥоһуллар: https://e-yakutia.ru/#/shortCard/1400000010000196522
2. Оҕоҕо босуобуйа ылыы туһунан ыспыраапка
Оҕоҕо босуобуйа ылыы туһунан ыспыраапка араас түгэннэргэ туһалаах буолуон сөп. Холобур, үүт аһылык ылар куукунаҕа ирдэнэр. Ону таһынан оскуолаҕа аһылык ыларга, кыһыл оҕону суулуур кэмпилиэги ылыыга, араас муниципальнай чэпчэтиилэри ыларга бу ыспыраапканы ыйыталлар.
Ыспыраапканы бу ссылканан киирэн оҥотторуохха сөп: https://e-yakutia.ru/#/shortCard/1400000000100000007
E-yakutia.ru порталга электроннай өҥөнү ылыы баара-суоҕа аҕыйах мүнүүтэ иһигэр оҥоһуллар. Бу өҥөнөн туһанар туһугар тус бэйэҕит кабинеккытыгар киирэҕит (Госуслуги киирэр регистрацияҕыт сөп түбэһэр);
Онтон ирдэнэр өҥөнү көрдүүр строкаҕа суруйан булаҕыт;
Наадалаах строкалары барытын кичэллээхтик толоруҥ, ыйытыллыбыт докумуоннары сыһыарыҥ уонна сайабылыанньаҕытын ыытыҥ.
Ирдэнэр докуомуоннар испииһэктэрэ барыта сыылкаларга ыйылла сылдьаллар. Порталынан туһанар олус дөбөҥ уонна чэпчэки!