Хас ыал аайы хаһаастаах, ханнык да түгэҥҥэ сиир астаах хаһаайка хайҕанар, мааныланар. Аныгы үйэҕэ, бородуукта дэлэгэй кэмигэр аһы бэйэтин буолбакка, сыллата ырысыаптаах халандаары хаһааныы үтүө үгэскэ кубулуйда.
Дьэ, оннук халандаардары «Айар» Кинигэ кыһатын киоскаларыттан атыылаһыахха сөп.
edersaas.ru
Быһыта тыытар
Күн көтөр кэриэтэ күлүмнэтэн ааһарын кэрэһилиир, күннэтэ быһыта тыытыллар элбэх сонуннаах халандаар ыал аайы киирэрин мэлдьи сөбүлүүр. Саха киһитэ наллаан олорон ааҕарын, иһигэр буһарарын уонна ырааҕынан дьүһүйэрин ордорорун быһыытынан быйыл эмиэ 365 хонук дуоһуйарга анаан бэлэх!
12 төгүл амсай!
Быйыл тахсыбыт “12 моментов счастья” диэн тиэрэ тутуллар халандаарга, бэрт судургу эрээри, киһи иҥсэтин көбүтэр, кэрэ көстүүлээх бүлүүдэлэри оҥорорго тус сүбэлээх, 12 ырысыап киирдэ. Сакалааттаах баахыла, биэ эмиийдээх туорт, халыҥ алаадьы курдук панкейк, сүмэһинэ сүүрэ сылдьар куурусса этиттэн үтэһэ, таатта соботун иһиттэн паштет, имбиирдээх бэчиэнньэ, балык бөрүөгэ… диэтэххэ чахчы астык!
Үлэҕэ аналлаах
Сыл устата хас үлэ күнэ баара, кыбаарталынан, нэдиэлэнэн араарыылаах, бырааһынньыктары ыйыылаах, олус табыгастаах эркиҥҥэ ыйанар үлэ халандаара дьон болҕомтотун тардар. Биирэ айар-тутар санааҕа кынаттыыр ыҥырыылаах. Иккиһэ өрөспүүбүлүкэбит туһугар турууласпыттары, улуу убайдары 100 сыллаах үбүлүөйгэ санаан-ахтан ааһарга анаан мэтириэттэрдээх, санатыылаах.
Смарт-халандаар
Аныгылыы, атын омук тылыттан тылбаастаатахха, муодаҕа киирбит, ис хоһоонунан: күннэтэ былаанныыр сорук хомуурунньуга. Ол—оҕону сааһыланарга, бэйэтэ сорук оҥосто үөрэнэригэр, толкуйдууругар, оҥорбутун ырытынарыгар саҥата суох такайар “табаарыс” буолуох халандаар.
Ый күнүн ахсаанынанутары сурунан иһэр өлүүскэлэрдээх, тугу гыныахха сөбүн этэн биэрэр ирдэбиллээх итиэннэ сүбэлэрдээх.
Ыйы хонугунан аахтахха
- Оҕуруоччукка, үүнээйини олордооччуга, арассааданы бүөбэйдээччигэ олус туһалаах уонна күннэтэ ыйы-күнү киириитин-тахсыытын, сылааһын-тымныытын тута “тыллаан” биэрээччи бастыҥ көмөлөһөөччү бу – Ый халандаара.
- Сандалы мааны астара
Саха аһын сүмэтэ, эгэлгэтэ, остуолу хотойорунан тэриллиитэ сыллата сайдар. Бу сырыыга байылыат олоххун кэрэһилиир бу халандаары сэҥээр.
Балбаара!
20-с үйэ саҥатыгар, өрөбүл күн куорат киинэ Куруһаала устун көтө-дайа иһэр кэрэ дьахтар Балбаара тугу санаабыта буолуой? 100 сылынан саха халандаарын киэргэтэн ыал аайы ыалдьыттыам диэбитэ буолуо дуо? Ону эрдэттэн таайбыт, үйэтитэ дьүһүйбүт биллиилээх худуоһунньук Иннокентий Пестряков хартыыната, таайыллыбатах таабырын буолан, Саха АССР 100, Дьокуускай куорат 390 сылларын бэлиэтииргэ ананна.
Дьол түстэннин!
Биллиилээх худуоһунньук Андрей Чикачев хас биирдии саха ыалыгар дьолу түстүүр сабыс-саҥа хартыынатын бэлэхтиир! Хоптолуун-соболуун, уулуун-тыалыын Айылҕа маанылаах бэлэҕэ буолан, үөрэн-көтөн эн дьиэҕэр Саҥа дьылга сиэттиһэн киирдин! Оҕолуун-улаханныын кыс хаары уулларан, саас күнү уһатан, сайыҥҥа-күһүҥҥэ тиийэн соболоох эбэбитигэр үгүөрүтүк үтэлэниэҕиҥ, баһаамнык бултуйуоҕуҥ диэн алгыһын аныыр.
Кэлэн иһэр 2022 сылынан!
Надежда ЕГОРОВА, «Саха сирэ», edersaas.ru