«Ростелеком» хампаанньа Хаҥалас улууһугар Өлүөнэ өрүскэ муус хамсааһынын, уу таһыма төһө үрдүүрү-түһэрин кэтээн көрөр видеосистиэмэни туруорда.
– Бу видеохаамыралар «Куттала суох куорат» быраагыраама чэрчитинэн, Хаҥалас улууһун өрүс үрдүгэр турар аҕыс нэһилиэнньэлээх пуунугар туруорулуннулар, – диир инновация, сыыппара уонна инфокоммуникация технологияларын сайдыытын миниистирэ Анатолий Семенов. – Өрүскэ муус хайдах устарын, уу таһыма төһө үрдүүрүн, харыы ханан үөскүүрүн көрөн олорон, наадалаах быһаарыылары тута ыларга тирэх буолуохтара.
Кэтээн көрүү хаамыралара Покровскайга, Мохсоҕоллооххо, Ойго, Үөһээ Бэстээхэ, Булгунньахтаахха, Улахан Ааҥҥа, Тиит Арыыга уонна Табаҕаҕа өрүс ньуурун киэҥник хабан көрөргө табыгастаах сирдэргэ туруорулуннулар. Сибээс чуолкай буолуутун хааччыйан, хас биирдиилэригэр оптоволокно ситимэ тардылынна. Синоптиктар ити эргин муус ыам ыйын 9 -10 күннэригэр, Покровскай аннынан ыам ыйын 13 күнүгэр хамсыахтаах. Өрүһү маннык сыылканан кэтээн көрүөххэ сөп: https://www.sakha.gov.ru/ledohod. Бу туһунан Ил Дархан уонна Бырабыыталыстыба пресс-сулууспата иһитиннэрэр.
Раиса Сибирякова, «Саха сирэ» хаһыат, edersaas.ru