Норуоттар икки ардыларынааҕы дьиэ кэргэн күнүн көрсө Хаҥалас улууһун 20 эдэр ыалыгар дьиэ туттарга, олорор усулуобуйаны тупсарарга сэртипикээттэри туттарыахтара.
Улуус салайааччыта Федор Борисов бэлиэтииринэн, сэртипикээттэр уопсай суумалара 13 658 391,60 солкуобайга тэҥнэһэр. «Быйыл сэртипикээттэри Бэстээх, II Дьөппөн, Хачыкаат, Уулаах Аан, Мохсоҕоллоох, Булгунньахтаах, I Дьөппөн, Өктөм уонна Покровскай олохтоохторо тутуохтара», — диэн Федор Михайлович иһитиннэрэр. Сэртипикээттэри дьону муспакка эрэ, туох баар миэрэлэри тутуһан туттарыахтара.
«Эдэр ыалы дьиэнэн хааччыйыы» муниципальнай бырагыраама 2007 сылтан улууска үлэлиир. Эдэр ыалларга федеральнай, өрөспүүбүлүкэтээҕи уонна олохтоох бүддьүөттэн көмө көрүллэр.
Хаҥалас улууһун пресс-сулууспата.
+1
+1
+1
+1
+1
+1
+1