Олунньу 8 күнүгэр өрөспүүбүлүкэҕэ 2708 киһи хамсыкка хаптарбыт. Тэҥнээн көрдөххө, олунньу 1 күнүгэр ыалдьааччы ахсаана 3211 этэ.
Дьокуускайга ыалдьааччы ахсаана – 1364 киһи. Мииринэй – 299, Мэҥэ Хаҥалас – 194, Алдан – 127 , Нерюнгри — 99, Таатта -64, Сунтаар — 59, Хаҥалас — 55, Нам — 51, Үөһээ Бүлүү уонна Ньурба– 51-дии, Өлүөхүмэ — 45, Уус Алдан – 44, Өймөкөөн — 41, Томпо — 40, Кэбээйи — 35, Муома — 21, Өлөөн — 18, Ленскэй — 13, Эдьигээн — 10, Горнай — 9, Эбээн Бытантай — 8, Бүлүү — 7, Амма — 6, Дьааҥы — 3. Бүтэһик сууккаҕа лабораториялар 8856 анаалыһы оҥордулар. Пандемия саҕаланыаҕыттан уопсайа 2 031 248 анаалыс бэрэбиэркэлэммит.
Арассыыйаҕа олунньу 7 күнүн көрдөрүүтүнэн сууккаҕа 171 905 киһи коронавируска сутуллубут, урут ыалдьыбыт дьонтон 609 киһи ыарыыттан өрүттүбэтэх. Арассыыйа үрдүнэн хамсык саҕаланыаҕыттан ыарыыга ылларбыт дьон уопсай ахсаана 12,9 мөл. тахсыбыт. 10,6 мөл. тахса киһи үтүөрбүт. Суһал ыстаап муспут чахчыларынан, биир күн иһигэр 10 тыһ. киһи балыыһаҕа киирбит — бу инники күн көрдөрүүтүттэн 15 % кыра.
«Саха сирэ» хаһыат, edersaas.ru
Хаартыска sakha.gov.ru