СӨ Доруобуйаҕа харыстабылын министиэристибэтэ иһитиннэрэринэн, бүгүн, тохсунньу 15 күнүгэр, социальнай ситимнэринэн уонна мессенджеринэн, өрөспүүбүлүкэ биир олохтооҕо COVID-19 утары быһыыны ылан баран өллө диэн тарҕаммыт сурах олоҕо суох.
Социальнай ситимнэргэ уонна мессенджердарга вакцинация доруобуйаҕа буортутун туһунан, вакцинаны ыларга күһэйэллэр үһү диэн үгүс бэрэбиэркэлэммэтэх уонна сымыйа иһитиннэриилэр тарҕаналлар. Иһитиннэриилэри официальнай ыйыылартан эбэтэр олорго сигэммит эрэ буоллаҕына итэҕэйэр ирдэнэр. Санатан этэбит, сымыйа иһитиннэриини (фейковая информация) тарҕатыы иһин, сокуонунан холуобунай эппиэтинэс көрүллэр.
Тохсунньу 15 күнүнээҕи туругунан, өрөспүүбүлүкэҕэ хамсык дьаҥын утары быһыыны 1,8 тыһыынча киһи ылла, ол иһигэр икки төгүллээн быһыыны – 440 Саха сирин олохтооҕо. Вакцина кэнниттэн сыыстарыы эбэтэр өлүү эрэгийиэҥҥэ бэлиэтэнэ илик.
СӨ Доруобуйаҕа харыстабылын пресс-сулууспата.