СӨ Сыана бэлиитикэтигэр судаарыстыбаннай кэмитиэтин бэрэссэдээтэлэ Антонина Винокурова Нам улууһугар сырытта. Кини бу улууска өрөспүүбүлүкэ салалтатыттан сыһыарыллыбыт куратор буолар.
Салайааччы Хамаҕаттаҕа тутулла турар интэринээт-оскуоланы уонна уһуйааны көрдө-иһиттэ. Бу эбийиэктэр быйыл ахсынньыга үлэҕэ киириэхтэрэ.
220 үөрэнээччигэ анаммыт икки этээстээстээх оскуоланы кытта 50 миэстэлээх интэринээт тутуллар. Манна генеральнай бэдэрээтинэн «Сахастрой» хампаанньа үлэлии сылдьар. Билигин бу нэһилиэккэ оҕолор биир этээстээх мас дьиэҕэ үөрэнэ олороллор.
Оттон «Прогресс» хампаанньа Березовая уулуссаҕа 1 245 кв.м. иэннээх сиргэ үс этээстээх уһуйааны тутан түмүктээн эрэр.
edersaas.ru
Хаартыска — СИА.
+1
+1
+1
+1
+1
+1
+1