«Бүлүү» суолун управлениета иһитиннэрбитинэн, Халыма федеральнай суол учаастагар хапытаалынай өрөмүөн ыытылла турарынан, ааспыт нэдиэлэ эргин дьоҕус массыыналар сылдьалларыгар кэккэ ыарахаттары үөскэппитэ. Суол үлэһиттэрэ тута дьуһуурустубаны олохтообуттара.
Ол курдук, 105-с – 135-с км учаастакка күн-дьыл туругуттан сылтаан, суол туруга мөлтөөн кыра массыыналар сырыыларыгар харгыһы үөскэппитэ. Билигин ити учаастакка суол туруга аматыйбыт. Ол да буоллар, тустаах тэрилтэ исписэлиистэрэ кыһын буолан эрэринэн массыыналаахтар көрөн-истэн, сэрэхтээхтик айанныылларыгар сүбэлииллэр. Туох эмит ыйытыылаах буоллаххытына, «Бүлүү» суола управлениетын диспетчерскэй сулууспатын 8 (4112) 44-10-78, 89245938028 диэн төлөпүөннэрин нүөмэрдэригэр эрийэн билсиэххитин сөп.