Эбээххэ Кыайыы күнүн айхаллыыллар

Ааптар: 
Бөлөххө киир:

Бу күннэргэ улуустарга Улуу Кыайыы 76 сылын көрсө куйаар ситиминэн араас тэрээһиннэр ыытыллаллар.

Орто Халыма улууһун Эбээх нэһилиэгиттэн уопсастыбаннай кэрэспэдьиэммит Людмила Никитина иһитиннэрэр: «Коронавирус сыстыганнаах дьаҥынан сибээстээн, бары тэрээһиннэр куйаар ситиминэн буола тураллар. Ол курдук, үгэс быһыытынан «Кыайыы түннүгэ», «Күлүмнээ, Кыайыы күнэ!» диэн тиэмэлэргэ хаартыскаҕа түһүү куонкурустара, «Кыайыы күнэ» коллекционердар күрэстэрэ буоллулар. Бэҕэһээ, ыам ыйын 8 күнүгэр, «Өйдөбүнньүк чүмэчитэ» аахсыйа буолан ааста. Онно кулууп иннигэр билигин биһиги кэккэбитигэр суох сэрии кыттыылаахтарын, үлэ-тыыл бэтэрээннэрин уонна сэрии сылын оҕолорун хаартыскаларын оҕолоро, сиэннэрэ,чугас аймахтара аҕалан,  «Өлбөт үйэлээх полк» («Бессмертный полк») өйдөбүнньүк холуонната туруорулунна.
Бүгүн, ыам ыйын 9 күнүгэр, тыыл бэтэрээннэрин уонна сэрии оҕолорун дьиэлэрин тиэргэнигэр кулууп үлэһиттэрэ кинилэр таптыыр ырыаларынан кэнсиэр көрдөрүөхтэрэ.
Оскуола үөрэнээччилэрин «Добун» ансаамбылын толоруутугар биэс уолун сэриигэ сүтэрбит Февронья Малгина туһунан «Мин уолаттарым» ырыанан килиип уһуллан, батсаабынан тарҕанна.
Ити курдук, ыраах Халымаҕа Кыайыы күнүн айхаллыыллар.

Елена ПОТОЦКАЯ, «Саха сирэ» хаһыат, edersaas.ru

Иннокентий Гермогенов хаартыскаҕа түһэриилэрэ

+1
0
+1
0
+1
0
+1
0
+1
0
+1
0
+1
0