Быйылгы навигацияҕа туһуламмыт сүбэ мунньахха Дьокуускайдааҕы гидрометеорологическай сулууспа начаалынньыгын солбуйааччыта Вячеслав Шехиров өрөспүүбүлүкэ өрүстэригэр гидрологическай балаһыанньа хайдаҕын билиһиннэрдэ.
edersaas.ru
Гидромет иһитиннэрэринэн, Алдан өрүскэ уу таһыма биир сууккаҕа 10-30 см үрдүү турар.
Амма өрүскэ ыам ыйын 6 күнүгэр муус хамсаан, уу таһыма 2 миэтэрэҕэ тиийэ үрдээбит.
Муус харыыта Дьокуускай тула уонна Нам, Уус Алдан, Кэбээйи улууһугар тахсыан сөп диэн Гидромет сулууспата сэрэтэр.
Халыма өрүскэ муус нуорматтан 20-30 см халыҥ буолан уонна күһүн элбэх уу тоҥон, Зырянкаҕа уонна Орто Халымаҕа кутталлаах кирбиини куоһарыы тахсар чинчилээх.
Дьокуускай — Кангалаас туһаайыытынан муус ыам ыйын үһүс декадатыгар барыан сөп диэн айылҕаны кэтээн көрөөччүлэр сабаҕалыыллар.
Санатан эттэххэ, Өлүөнэ өрүскэ муус билиҥҥитэ Иркутскай уобаласка бара турар.
Марианна Тыртыкова, «Саха сирэ», edersaas.ru
+1
+1
+1
+1
+1
+1
+1