Халлааммыт тымныйан иһэн, бу күннэргэ үгүс улууска сылыйан, этэргэ дылы, сааскылыы ириэрдэ. Ол эрээри, кэлэн иһэр аата кэлэн иһэр, бэрт сотору хам ылара чуолкай. Ону кытта уулуссалар, суоллар барыта муус килиэ буолан, тимир көлөлөргө халтырааны үөскэтиэҕэ.
ГАИ үлэһиттэрэ халлаан лаппа сылыйан халтараан үөскээбитинэн ордук суоппардар суолга болҕомтолоохтук уонна сэрэхтээхтик айанныылларыгар сүбэлииллэр. Суоппардар суол бары быраабылатын үчүгэйдик тутуһалларыгар этэллэр. Түргэнник айанныыртан туттуналларыгар сүбэлииллэр. Халтараан кэмигэр саахал тахсыыта элбиир. Маны таһынан, төрөппүттэр оҕолорун анал олбоххо олордоллоро булгуччулаах. Аны туран, сатыы сылдьар дьон светофор «күөх уотугар” эрэ суолу туорууллара булгуччулаахтык ирдэнэр. Түүн эбэтэр хараҥа кэмҥэ уокка кылабачыйан көстөр таҥастаах сылдьаргытыгар сүбэлииллэр.