Сүрүн Уопсастыба

Халлааммыт хаһан көнүөй, маннык сигирээн хаһааҥҥа диэри туруой?

Дьылдьыт Андрей Варламов сабаҕалыырынан, ардах уонна хаар икки ардынан сигирээн күннэр ыам ыйын 17-гэр диэри туруохтара. Халлаан сыыйа көнүөҕэ. Ол гынан баран, алаас сирдээх-уоттаах улуустарга кустааһын болдьоҕун саҕана ааспыт саастардааҕар сылаас буолуоҕа.

Өрүс эҥээригэр олорооччуларга, үгэс курдук, эбэ мууһа барыар диэри тыаллаах-куустаах, салгыннаах, сөрүүн соҕус буолуо. Андрей Алексеевич: “Хаарбыт куоракка эрэ ууллубут курдук. Тыа сиригэр аанньа ириэрбэтэ дииллэр. Ойуур хаара лөглөччү сытар. Ыам ыйыгар диэри хаарын туппута дьикти. Айылҕабыт мууһун-хаарын ыраастанаары, уутун син-биир аҕалыа. Үрэхтэр сүүрдүөхтэрэ. Өлүөнэ өрүс күөллүү эстэн иһэр, үөһэ уу суох дииллэрин итэҕэйбэппин. Эбэҕэ түһэр салааларга уонна тыаҕа үрүйэ-харыйа, быттык-хоннох сирдэргэ хаара, чэҥэ-мууһа элбэх. Өлүөнэҕэ харыы тахсара чуолкай. Өссө иккис хара уу улахан кутталлаах буолуоҕа”, — диэн чинчилиир.

Василий НИКИФОРОВ.

2
1

Добавить комментарий