Халлаан тымныйар. Суоппардар ыраах айаҥҥа сэрэхтээхтик сылдьаргытыгар сүбэлиибит

Ахсынньы ортото этэҥҥэ буолла. “Бүлүү” суола управлениетын салалтата  бу күннэргэ халлаан лаппа тымныйан, суолга туманнаах буоларынан сибээстээн,  ыраах айанныыр суоппардар барытыгар болҕомтолоохтук сыһыаннаһан айанныылларыгар сүбэлиир.

Саамай сүрүнэ, тимир көлө ыраах айанныырга, тымныыга бары өттүнэн бэлэм буолуохтааҕа эрэйиллэр. Саппаас көлүөһөлөөх, ичигэс таҥастаах-саптаах сылдьыллыахтааҕын умнумаҥ.  Аара суолга тохтото сатыыр дьоҥҥо хайаан да болҕомтоҕутун ууран, көмөлөһөргүтүгэр сүбэлииллэр.

“Бүлүү” суола управлениетын  диспетчеркэй сулууспатын төлөпүөнэ:  8 (4112) 44-10-78, 8 924 5938028.