Халаантан эмсэҕэлээбит оройуоннарга отучча туонна гуманитарнай көмө ыытылынна
Халаантан эмсэҕэлээбит оройуоннарга отучча туонна гуманитарнай көмө ыытылынна.
Дьааҥы уонна Кэбээйи оройуоннара халааҥҥа барыахтарыттан, 29,2 туонна гуманитарнай таһаҕас ыытыллыбыт.
СӨ Ил Дархана Айсен Николаев сорудаҕынан, бары тустаах министиэристибэлэр олохтоох салалталары кытары суһаллык хоромньуну, эмсэҕэлээбит дьоҥҥо материальнай көмө оҥоһуллуутун уонна чөлүгэр түһэрии үлэтин ааҕаллар.
Таһаҕаһы «Полярные авиалинии» авиахампаанньа самолеттара уонна бөртөлүөттэрэ, ону сэргэ, РФ ЫБММ Хабаровскайдааҕы авиационнай-быыһыыр киинин бөртөлүөтэ тиэрдэллэр.
Нэдиэлэ устатыгар оройуоннарга 12 туоннаттан тахса ас-үөл уонна иһэр уу тиэрдиллибит. Мэдиссиинэ тэрилтэлэрэ 1,5 туонна эми-тому, мэдиссиинэ табаарын ыыппыттар.
Өрөспүүбүлүкэ саппааһыттан эбии 6,5 туонна наадалаах тэриллэр — генератордар, мотопуомпалар, оҥочолор, балааккалар, утуйар таҥастар, уо.д.а. тиэрдиллэр. Анал тиэхиньикэлэргэ уонна оҥочолорго эбии уматык (1,6 туонна) ыытыллыбыт.
Маны таһынан, дойдулаахтар, тэрилтэлэр, түмсүүлэр, биэдэмистибэлэр көмөлөһөллөр.
+1
+1
+1
+1
+1
+1
+1