Уу ресурсаларын федеральнай агентствотын Өлүөнэ сүнньүнээҕи ууга управлениетын отделын начаалынньыга Николай Портнягин «Эдэр саас» сайтка иһитиннэрбитинэн, Өлүөнэ мууһа Өлүөхүмэ Чапаевотыгар тиийбит. Уу таһыма намыһах. Муус хойуутук устар.
Оттон Дьокуускайынан муус ыам ыйын 19 күнүгэр устуо диэн билгэлииллэр.
Оттон бу хаартыскалары Вероника Бекренева ыытта. Даппарай, Кыыллаах аннынан уста турар диэтилэр.
Халаан уута ылыан сөптөөх сиргэ олорооччулар истиилэригэр:
1. Кыһыҥҥы таҥаһы, бытовой тиэхиньикэни, миэбэли уу тиийбэт сиригэр таһаарыҥ.
2. Эрдэттэн дөкүмүөҥҥүтүн, сылаас таҥаһы, утуйар таҥаһы, аһылык саппааһын, эми-тому бэлэмнээҥ.
3. Халаан уута кэлэр түгэнигэр бэлэмнээбит малгытын ылан эвакуациялыыр пууҥҥа (оскуола дьиэтэ) көһүөххэ, сылгыны-сүөһүнү куттала суох сиргэ үүрэн илдьиэххэ наада.
Бэй. корр., edersaas.ru