Халаан, баһаар содулларын туоратыыга мунньах ыытылынна

Бөлөххө киир:

Премьер-миниистир Михаил Мишустин бу күннэргэ Уһук Илин эрэгийиэнигэр кэлэн үлэлиир. От ыйын 27 күнүгэр Южно-Сахалинскай куоракка айылҕа көстүүлэрин содулун туоратыы туһунан мунньаҕы бэрэсидьиэн Путин сорудаҕынан ыытта.

Видеокэмпириэнсийэ көрүҥүнэн барбыт мунньахха эрэгийиэннэр губернатордара, Ыксаллаах быһыы-майгы министиэристибэтин салайааччылара кыттыыны ыллылар.

Сахалиҥҥа билигин балаһыанньа холкутуйда, ол гынан баран, атын эрэгийиэннэргэ ууга барыы, ойуур баһаардара буола тураллар. Тыһыынчанан дьон, тыа хаһаайыстыбатын эбийиэктэрэ эмсэҕэлээтилэр, суол-иис, муоста алдьанна. Эмсэҕэлээбит дьоҥҥо харчынан толуйуу механизмын түргэтэтэргэ, губернатордар тус хонтуруолгутугар ыларгытыгар, туох баар күүһү түмэргитигэр сорудахтыыбын. Бу боппуруоһунан вице-премьер Юрий Трутнев быһаччы дьарыктаныаҕа.

Саха Өрөспүүбүлүкэтигэр ойуур баһаардарын утары охсуһууга бу сылга барыта 3 миллиард солкуобай кэриҥэ көрүллүбүтэ. Эбии 400 мөлүйүөн солкуобайы ыыттыбыт. Авиатиэхиньикэни үлэлэтии салҕанар. Сөмөлүөттэргэ, баһаары умулларар тиэхиньикэҕэ уматык тиийэрин хонутуруоллааҥ, — диэн Михаил Мишустин бэлиэтээтэ.

Бу боппуруоһу мунньахха өссө ырытыһыахтара. СӨ Ил Дархана Айсен Николаев дакылаатын истиэхтэрэ.

Ангелина Васильева, “Саха сирэ” хаһыат, edersaas.ru

Хаартыска:russian.rt.com

+1
0
+1
0
+1
0
+1
0
+1
0
+1
0
+1
0