Уопсастыба

Халаан: Амма, Алдан, Бүлүү

Алдан өрүс алын кырыыта Томпо улууһун Кириэс Халдьаайытынан баар. Уу таһыма 565 см (кутталлаах таһым 1088 см), муус хойуутук устар.

edersaas.ru

Үөһээ кырыыта Уус Маайа таһыгар баар. Уу таһыма 1109 см (кутталлаах таһым 1300 см). Көмүөл 476 км тайаан устар. Суукка иһигэр муус 323 км устубут. Уус Маайаҕа халаан уута кэлиэҕиттэн үс нэһилиэнньэлээх пуун, ол иһигэр Эдьээн, Элдьикээн, Күп нэһилиэктэрэ ууга барбыта. Уопсайа 1316 киһи олорор 677 тиэргэн, ол иһигэр 291 олорор дьиэ.

Амма мууһун алын кырыыта Таатта Чымынаайытыгар тиийдэ. Уу таһыма 1276 см (кутталлаах таһым 1323 см), муус хойуутук устар. Оттон үөһээ кырыыта Чурапчы Мындаҕаайытыгар баар. Уу таһыма 1316 см (кутталлаах таһыма 1350 см). Билиҥҥи туругунан Амма улууһугар ууга барбыт дьиэлэр ууттан босхолоннулар.

Бүлүү өрүс көмүөлүн алын кырыыта Бүлүү куоратыгар тиийдэ. Муус хойуутук устар, уу таһыма 681 см (кутталлаах таһым 990 см).

Үөһээ кырыыта Ньурбаттан аллараа 70 км сиргэ баар. Уу таһыма кыралаан түһэр. Билигин 707 см (кутталлаах таһым 980 см).

Биһ. корр., edersaas.ru

0
0

Добавить комментарий