Халаан: Алексей Колодезников Кальвицаҕа сырытта

Ааптар: 
Бөлөххө киир:

Бырабыыталыстыба бэрэссэдээтэлин бастакы солбуйааччы Алексей Колодезников салайааччылаах оробуочай бөлөх бэҕэһээ Кэбээйи улууһун Кальвицатын олохтоохторун кытары көрүстэ.

edersaas.ru

Өлүөнэ өрүс салаатыгар турар бу бөһүөлэги халаан уута бастаан 1998 с., кэлин 2008 с. улаханнык айгыратан барбыта. Ол иһин, бырабыыталыстыба бөһүөлэги уу ылбат сиригэр көһөрөргө быһааран, Хаалбыстан үс биэрэстэлээх сиргэ саҥа бөһүөлэк тутуута саҕаламмыта. Билигин онно сүүрбэ алта олорор дьиэ, биэлсэр-акушер пууна, гааһынан үлэлиир сылытар ыстаансыйа итиэннэ улууһу хааччыйыахтаах оптоволоконнай сибээс быыската тутуллан, уот-күөс уонна гаас ситимнэрэ тардыллан тураллар. Аны оскуола-саад дьиэтэ тутулларын кэтэһэннэр, олохтоохтор (барыта сэттэ уонча ыал) билигин эргэ бөһүөлэккэ олороллор.

Халаан уута эргэ бөһүөлэги барытын ылбыт, сүөһүлэрин-сылгыларын эрдэ уу сиригэр таһааран быыһаабыттар. Алексей Колодезников эмсэҕээбиттэргэ көмө оҥоһуллуоҕа диэтэ итиэннэ саҥа бөһүөлэккэ көһүүнү түргэтэргэ эттэ. Оскуола дьиэтэ сөргүллүбэт гына алдьаммытын быһыытынан, саҥа оскуола дьиэтэ тутуллуор диэри, үөһэ оҥоһуллар дьаһалта дьиэтин ситэрэ охсон, аны күһүн уон биир үөрэнээччилээх оскуоланы онно арыйарга эттэ.

Раиса Сибирякова, Саха сирэ» edersaas.ru.

Хаартыскаҕа Виктор Эверстов (Дабаан) түһэриилэрэ.

+1
0
+1
0
+1
0
+1
0
+1
0
+1
0
+1
0