Үөһээ Бүлүү Харбалаах нэһилиэгин олохтоохторо халааны куттала суох аһардарга тэрээһиннээх үлэни ыыталлар.
Ол курдук, бу күннэргэ нэһилиэк эр дьоно мустан, арҕаа баска даамбаны оҥорууга үлэлээтилэр. Нэһилиэк баһылыга Константин Платонов ууну хаайан, күөллэри толорон, сайҕатан, оттуур ходуһаларга ууну киллэриини ыытан, көдьүүстээх үлэ барбытын бэлиэтээтэ. Салайааччы халааны этэҥҥэ аһардар үлэҕэ көхтөөх кыттыыны ылбыт Харбалаах эр хоһууттарыгар көмөлөрүн уонна өйөбүллэрин иһин барҕа махталын биллэрдэ.
Бу туһунан социальнай ситимнэргэ улуустааҕы пресс-киин иһитиннэрдэ.
Елена ПОТОЦКАЯ, «Саха сирэ» хаһыат, edersaas.ru
Хаартыска — «Үөһээ Бүлүү улууһа» МТ пресс-киинэ.
+1
+1
+1
+1
+1
+1
+1