Халааһыҥҥа дьахтар уорбаланар
Бэрээдэк - Олох-дьаһах

Халааһыҥҥа дьахтар уорбаланар

Дьокуускай куорат К.Цеткин уулуссатыгар баар дьоҕус маҕаһыыны халаабыттарын туһунан иһитиннэриини росгвардеецтар патруллуу сылдьан туппуттар. 

edersaas.ru


Быһылаан сиригэр тиийбиттэригэр, маҕаһыын атыылааччыта кинилэргэ кэпсээбитинэн, биир атыылаһааччы витринаттан бытовой химия хас да флаконун ылаат, куотан хаалбыт.

Полицейскайдар ол дьахтар хайдах көрүҥнээҕин чуолкайдаан баран, чугас эргин көрдүү сылдьан, уорбаланааччы дьахтары Пекарскай уулуссатыгар туппуттар уонна полиция отделыгар илдьибиттэр.

Бу 49 саастаах дьахтарга «Халааһын» ыстатыйанан холуобунай дьыала тэриллибит.

Бу туһунан РФ Росгвардиятын федеральнай сулууспатын Саха сиринээҕи управлениетын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: РФ Росгвардиятын федеральнай сулууспатын Саха сиринээҕи управлениетын пресс-сулууспата

1
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

5 × один =