Уопсастыба

Халааҥҥа бэлэмнэнии үлэтэ бара турар

Уу ресурсаларын федеральнай агентствотын Өлүөнэ сүнньүнээҕи ууга управлениета  гидротехническай тутуулары сааскы халааҥҥа бэлэмнэрин бэрэбиэркэлиир үлэлэри ыыта турар.

edersaas.ru

Бэрэбиэркэ федеральнай уонна өрөспүүбүлүкэ кэтиир уорганнарын бэрэстэбиитэллэрин кытта бигэргэтиллибит былааҥҥа сөп түбэһиннэрэн ыытыллаллар диэн иһитиннэрэр туһааннаах управление пресс-сулууспата.

Билигин Саха Өрөспүүбүлүкэтигэр 16 инженернэй уонна гидротехническай тутуулартан 11 эбийиэк  туруктара бэрэбиэркэлэннэ, ньиэбинэн уонна гааһынан хааччыйар сэттэ эбийиэктэн  иккитин туруга тургутулунна.

Хамыыһыйа халаан уутуттан инженернэй көмүскэнии эбийиэктэрин  кэрийэн көрдө. Дьокуускай куорат, Аллараа Бэстээх бөҕөргүтүллүбүт биэрэктэрин, Тулагы даамбатын, Шестаковка   шлюз-регуляторын, куорат  ханааллар туруктарын көрдүлэр.

Экологияҕа улахан хоромньуну таһаарар кутталлаах өрүс кытыытыгар турар эбийиэктэри: «Туймаада-нефть» Аллараа Бэстээххэ турар нефтебазатын, «Жатай нефтебазатын» филиалын, «Саханефтегазсбыт» эбийиэктэрин халааҥҥа бэлэмнэрин чинчийдилэр.

 edersaas.ru

Хаартыска ЯСИА

0
0

Добавить комментарий