Халааҥҥа былдьаппыт улуустарга биһиги көмөбүт наада

Бөлөххө киир:

Балаҕан ыйын 12 күнүгэр күнүс 13.00 чааска  СӨ Ил Дархана Айсен Николаев «Россия 24» ханаалыгар «Саха» ГТРК “Быһа кэпсэтии”  биэриигэ кыттан, нэһилиэнньэ ыйытыыларыгар хоруйдаата.

Кыстыкка киириэх иннинэ өрөспүүбүлүкэ улуустарын олохтоохторун долгутар биир сүрүн боппуруоһунан оттооһун буолар.  Оттооһун хаамыытын туһунан Ил Дархан Айсен Николаев маннык кэпсээтэ:

— Быйыл оттооһун  балаһыанньата, биллэн турар, биллэ тыҥааһыннаах. Сүөһү аһылыгын бэлэмнээһиҥҥэ сэмэлэр бааллар. Суһал быһаарыылар уһуннук ылыллаллар. Сводкалары, докумуоннары бэрэбиэркэлиир наадатын өйдүүбүн, ол гынан баран  күн-дьыл күүппэт. Хомойуох иһин, быһаарыылар ылыллыбаттара  хойутааһыҥҥа тириэрдэр.

Биһиги билигин  былырыыҥҥы графигынан кэриэтэ баран иһэбит, ол эрээри, кыратык хааллыбыт. Олус уустук балаһыанньалаах улуустар бааллар. Холобур, Дьааҥы уонна Кэбээйи улуустара. Кинилэр бэйэлэрэ кыанар кыахтара суох, биһиги көмөбүт наада. Уһун ардахтартан  кыһалҕаламмыт улуустар бааллар —  Бүлүү бөлөх улуустарын оттуур сирдэрэ ууга  былдьанна. Чурапчы улууһа  кураантан уонна аһыҥаттан эмсэҕэлээтэ.

Ол да буоллар, оттуур кэм бүтүөр диэри  соруктар толоруллалларыгар эрэнэбин. Улуустарга көһө сылдьан оттооһун баар буолуоҕа. Онон, сүөһү аһылыгын бэлэмнээһин былырыыҥҥытааҕар куһаҕана суох буолуоҕа.

Надежда ЕГОРОВА, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0