Уопсастыба Успуорт

Хайыһардьыт Владимир Рыбкин аан дойду чөмпүйэнээтигэр кыттыаҕа

Ахсынньы 14-19 күннэригэр Тюмень куоракка 19-20 уонна 21-23 саастаах юниордарга Арассыыйаҕа хайыһарга бастыыр иһин күрэхтэһиилэр ыытылла тураллар. Бу күрэхтэһиигэ Ленскэйтэн сылдьар Олимпийскай эрэл өрөспүүбүлүкэтээҕи спортивнай оскуолатын иитиллээччитэ Владимир Рыбкин иккис миэстэни ылан, дойду сүүмэрдэммит хамаандатыгар киирдэ уонна аан дойду чөмпүйэнээтигэр күрэхтэһэр кыахтанна.

Владимир Рыбкин

Саха сирин сүүмэрдэммит хамаандатын өссө биир чилиэнэ Андрей Коконкин күрэхтэһиигэ 11-с миэстэ буолла. Тириэньэрдэр састааптарын санааларынан, Арассыыйатааҕы күрэхтэһиигэ биир бастыҥ көрдөрүүнэн ааҕыллар.

Аан дойду чөмпүйэнээтэ кэлэр сыл олунньутугар Финляндия Вуокатти куоратыгар ыытыллыаҕа.

edersaas.ru

0
0
Telegram @edersaas20

Добавить комментарий