Хайсам аль-Гайс: «ОПЕК Арассыыйаны кытта күрэстэһэр былаана суох»

Ааптар: 
Бөлөххө киир:

«Ньиэби атыылыыр дойдулар тэрилтэлэрэ (ОПЕК) Арассыыйаны кытта күрэстэһэр былаана суох.  Москва ОПЕК иһинэн үлэлиирэ улахан суолталаах”, — диэн тэрилтэ генеральнай сэкэритээрэ Хайсам аль-Гайс биллэрдэ.

Кини этэринэн, аан дойду энэргиэтикэтигэр Арассыыйа биир саамай улахан кыттааччынан хаалар, онон ОПЕК сөбүлэһиитэ ситиһиилээхтик үлэлииригэр, Арассыыйа кыттара тыын суолталаах. Билигин гаас уонна ньиэп сыаната үрдээһинигэр, Украина кириисиһэ эрэ дьайбат, ону тэҥэ эбии оҥорон таһаарыыга, табаар ахсаанын улаатыннарыыга аан дойду үрдүнэн сөптөөх кыах суоҕа дьайар. “Бу секторга сөптөөх инвестициялар суохтара элбэҕи атахтыыр, бу — сыана эмискэ уларыйарыгар дьайар”, — диир Хайсам аль-Гайс.

Блумберг агентствота этэринэн, бу күннэргэ G7 холбоһукка киирэр арҕаа дойдулар Арассыыйа ньиэбин  сыанатын намтатар сыаллаах куомуннаһыыны ырыталлар. Арассыыйа сиикэй ньэбин биир баррель $40−60 дуоллартан үрдэппэт туһугар, табаары таһыы уонна страховкатын сыаналарыгар дьайар туһунан кэпсэтиини тэрийбиттэр. Арассыыйа  салалтата бу куомуннаһыы быһаарыыта  улахан дьайыыны оҥоруо суоҕа эппитэ. 

Хаартыска Коммерсантъ

+1
0
+1
0
+1
0
+1
0
+1
0
+1
0
+1
0