Хайдах ыччат үүнэр да, олох оннук салаллыа!

Ааптар: 
Бөлөххө киир:

Бүгүн Аан дойдуга — ыччат күнэ. Бу бэлиэ күнүнэн Уус Алдантан Полина-Победа хоһоонунан эҕэрдэтин тиэрдэр.

ЫЧЧАТТАРГА

ЫЧЧАТ диэн кимий?
Оҕолорбут биһиэнэ
Күүстээх санаа, өркөн өй!
Иннин диэки хардыылыыр,
Кэннин маныы кэтэспэт.
«Урут» диэни туттубат,
Сарсыҥҥыга эрэллээх,
Сырдык эрэ санаалаах
Кэрэ эдэр киһибит!

ЫЧЧАТ диэн тугуй?
Сахатынан киэн туттар,
Төрүт тылын баһылыыр,
Тас дойдунан да дайдар
Сайдар суолу тутуһар.
Ситиһиитин, билиитин
Норуотугар тиэрдээччи,
Кэлэр олох кэскилин
Олуктарын уурааччы.

Бастыҥ буоллун ыччаппыт!
Туйгун буоллун туруга!
Саха дьонун ыччата
Түһэ күүстээх буолуохтун!
Ыччат баарын тухары
Сарсыҥҥыбыт салҕаныа!
Хайдах ыччат үүнэр да-
Олох оннук салаллыа!

Полина-Победа,
Уус-Алдан.

Уруһуй ambugansk.ru ылылынна.

+1
0
+1
0
+1
0
+1
0
+1
0
+1
0
+1
0