Хамсык кэмигэр ыалдьыбыт киһи олорор дьиэтин (кыбартыыратын) хайдах эмтэтиэххэ сөбүй?
— Пандемия кэмигэр ыарыыттан харыстаныы туһунан хаһыаккыт элбэхтэ суруйда. Оттон ыалдьыбыт дьонноох ыал дьиэлэрин-уоттарын хайдах эмтэтиэхтэрин сөбүй? Сүбэлээҥ эрэ.
Н.Петрова.
Ыйытыыга маннык хоруйдуубут:
— Дьокуускай куорат хомунаалынайдара эмтииллэрэ буолуо диэн диспетчерскэй сулууспаттан ыйыппыппытын кыбартыыра иһин эмтээбэппит, Роспотребнадзортан ыйытыҥ диэбиттэрэ. Онон Роспотребнадзор Саха сиринээҕи управлениетын “быһа сибээһигэр” эрийэн ыйыппыппыт. Онно үс нүөмэри биэрбиттэрэ. Ол нүөмэрдэр манныктар: “Дезсервис” тэрилтэ – 89142279888, өссө 255-388, 89141004905.
“Дезсервис” тэрилтэ уруккуттан үлэлиирин билэр буолан, бастаан кинилэргэ эрийдибит. “Эмтиибит”, — диэн үөртүлэр. Верамин диэн вируһу утары, хлора суох, аныгы препаратынан ыстарыахтарын сөп. Икки хостоох кыбартыыраны 2990 солкуобайга ыстараллар эбит. Истиэнэ кырааскатын, обуойу эҥин буортулаабат. Эмтээһин кэнниттэн икки чаас дьиэҕэр киирбэккин. Хайдах эмэ үп-харчы мунньунан ыалдьыбыт дьонноох ыаллар эмтэтэргит ордук буолуо диэн сүбэлиэхпитин баҕарабыт.
Тускутугар туһаныҥ!
Бэлэмнээтэ Женни Стрюкова
Хаартыска: интэриниэттэн