Алтынньы 4 күнүгэр, өрөспүүбүлүкэҕэ Кырдьаҕастар дэкээдэлэрэ саҕаламмытынан, Чурапчы улууһун Хайахсыт нэһилиэгин эр дьоно бэтэрээннэригэр анаан саһаан бэлэмнээтилэр.
Бу, нэһилиэк дьаһалтатын көҕүлээһининэн тэриллибит субуотунньукка 50-тан тахса эр киһи кытынна. Уопсайа 8 “Беларусь” тыраахтарынан үлэлээтилэр, оттук маһын көхтөөхтүк бэлэмнээтилэр. Оттон ыал ийэлэрэ, эдьиийдэр үлэһиттэри минньигэс эбиэтинэн хааччыйдылар.
Олохтоохтор бөһүөлэк таһыгар гаас просекатын оҥорууга элбэх мас тоҕо соломмутун ыраастаан, эмиэ туһаҕа таһаардылар.
Бу курдук, хайахсыттар бэйэлэрин кырдьаҕастарыгар мэлдьи көмөлөһөллөр. Маннык субуотунньуктары ыытыы — үтүө үгэс.
edersaas.ru сайтка анаан
Татьяна Алексеева.
+1
+1
+1
+1
+1
+1
+1