Хаҥалас улууһун ходуһаларыгар күн бүгүн 1987 отчут, 131 толору мэхэньисээссийэлээх, 69 ситэтэ суох мэхэньисээссийэлээх, алта көлө, аҕыс илии звенолара оттуу сылдьаллар.
edersaas.ru
Дьылы быһаарар бу эппиэттээх үлэни улуус дьаһалтата тус хонтуруолугар тутан олорор. Баһылыгы солбуйаачы Олег Иринеев бу күннэргэ Төхтүр нэһилигин отчуттарыгар сылдьан, оттооһун хаамыытын уонна хаһаайыстыбалар күннээҕи үлэлэрин билистэ.
Нэһилиэк саамай бөдөҥ хаһаайыстыбата – «Хахсык» кэпэрэтиип улууска биллэр-көстөр үлэлээх. Тамара Осипова салайааччылаах хаһаайыстыба быйыл сүүс ынахха анаммыт хотону тутта сылдьар. Саас 100 гектар бааһынаҕа биир сыллаах оту ыспыта бэркэ үүнэн эрэр, ол отунан сенажтыахтаахтар. Кэпэрэтиип отчуттарын биригээдэтэ сыл тахсар оту хааччыйар соругу туруорунан, билигин оттуу сылдьар.
– Эһиги сүрүн сыалгыт кыстыгы көрсө сүөһү аһылыгын хааччыныы буолар, – диэтэ хаһаайыстыба үлэтин-хамнаһын билсэн баран улуус баһылыгын солбуйааччы Олег Иринеев диэн улуус дьаһалтатын пресс-киинэ иһитиннэрэр.
Раиса Сибирякова, «Саха сирэ» хаһыат, edersaas.ru